wijerentolde > Nieuws > Nieuws

Henk Weenk is 90 jaar geworden

01-11-2019 19:00:00

De 90-e verjaorsdag van Henk Weenk

 

 

’t volgende verhaal kon echt niet korter

 

want d’r was vandage feest bi’j de Bonenpotter

 

Henk Weenk werd maor liefst 90 jaor

 

met Alie steet hi’j altied veur de Dansgroep klaor

 

op zo’n bezundere dag steet dan de Dansgroep

 

in vol ornaat bi’j Henk en Alie op de stoep

 

de veurzitter vertelt een mooi verhaal aover Henk

 

hiernao de felicitaties en mooie bloemen as geschenk

 

de commandant begint met ”Vendeliers geef acht”

 

dat is ’t moment waorop iedere wacht

 

dan duurt ’t nog heel effen

 

veur ze de vaandels veur Henk gaot heffen

 

ze zwaait op de maote van de muziek

 

zo’n moment is altied heel uniek

 

een mooie foto van Henk, Alie met de dansgroep an weerskanten

 

veur een bericht volgende wekke in de kranten

 

en dan zoas dat geet bi’j ons in ’t Oosten

 

is 't dan tied um met de jeurigen te proosten

 

 

 

Henk, Alie en de familie Weenk van harte gefeliciteerd

 

ps: Henk hef alle records verbrokken: 't Langste lid van de Dansgroep, 't oldste lid en vandage was dit maor liefst de vierde vaandelhulde veur Henk. 

 

 

(foto: archief Dansgroep Wi’j Eren ’t Olde - klik op de foto voor een vergroting)

Ga terug